Smart Green Spaces: Зелени идеи и смарт технологии во наставата
Во рамките на европскиот проект Smart Green Spaces, наставниците од нашето училиште ООУ „Страшо Пинџур“ – Неготино изготвија наставни сценарија, едукативни игри и туторијали преку кои зелените идеи и паметните технологии можат успешно да се интегрираат во наставниот процес.
Целта на овие материјали е да им помогнат на учениците да ја разберат врската меѓу природата, технологијата и одржливиот развој, а во исто време да ги поттикнат на активно и креативно учење.
Преку вакви современи пристапи, наставниците покажаа дека е можно:
- да се развива еколошка свест и одговорност кон природата,
- да се користи смарт технологија (како микробит уреди, дигитални мапи и онлајн апликации) за решавање реални проблеми,
- и да се поврзат различни наставни предмети во заеднички STEAM активности.
Овие сценарија и игри ќе бидат дел од наставните часови во следниот период, а дел од материјалите се достапни и за пошироката заедница со цел да се поттикне примената на зелени иновации во образованието.
Со овој придонес, нашите наставници уште еднаш докажуваат дека иновативноста, одржливоста и дигиталната писменост се клуч за училиште на иднината. 💚
До сценаријата и игрите можете да пристапите тука: developed scenarios, games, tutorials
#SmartGreenSpaces #ЕкоОбразование #STEM #DigitalSkills #ООУСтрашоПинџур #Negotino #GreenInnovation