Соработка со ООУ „Страшо Пинџур“ -Карбинци

На 11.06 (вторник) бевме гости во училиштето ООУ „Страшо Пинџур“ – Карбинци

Нашите ученици учествуваа во креативна работилница во два дела:

Редизајнирање на стара облека со техника “цртање со шаблон” – Учениците имаа можност да ги претворат старите парчиња облека во нови и уникатни дизајни користејќи шаблони и бои. Резултатите беа неверојатни и инспиративни!

Дизајнирање на брошеви и украсни аксесоари од текстилен отпад – Во вториот дел од работилницата, учениците креираа прекрасни брошеви и декоративни аксесоари од текстилен отпад. Оваа активност не само што ги поттикна нивните креативни вештини, туку и ги подучи за важноста на рециклирањето и одржливоста.

Благодарни сме за прекрасната соработка и за сите креативни идеи што ги споделивме заедно.

Голема благодарност до домаќините за нивното гостопримство. Се радуваме на идните заеднички проекти!